Nizaam Episode 1 Shocking Review: Viewers Brutally Troll Usama Khan & Momina Iqbal As College Students

Pakistani television screen par Green TV ka naya drama serial "Nizaam" aate hi social media ki zinat ban gaya hai. Is drama ki pehli hi episode ne aate hi internet par tahlka macha diya hai. Drama ki cast mein Usama Khan aur Momina Iqbal jaise mashhoor adakaar lead roles mein hain, jabkay aik ahem kirdar mein Nauman Ijaz bhi shamil hain. Lekin drama shuru hote hi story se zyada jis cheez ne logon ki tawajjo khinchi, woh thi iski casting aur actors ka look.

​College Students Ka Kirdaar Aur Fans Ka Radd-e-amal

​Episode 1 mein dekhne ko mila ke Usama Khan aur Momina Iqbal ko college ke students ke taur par pesh kiya gaya hai. Jaise hi yeh scenes on-air hue, social media par logon ne is par shadeed tanqeed shuru kar di. Viewers ka kehna hai ke actors ki age aur unka look college students ke hisab se bilkul match nahi kar raha. Usama Khan aur Momina Iqbal ke coridor mein chalne aur unke dress-up ko lekar internet par mazaq banaya ja raha hai. Kuch fans ne toh yahan tak keh diya ke yeh college nahi balkay "senior citizens" ka group lag raha hai!

Social Media Par Memes Aur Trolls Ka Taanta

​Jaise hi pehli episode aayi, Twitter, Instagram aur Facebook par memes ka silsila shuru ho gaya. Logon ka kehna hai ke directors ko casting karte waqt actors ki age aur characters ki demad ka khayal rakhna chahiye. Halankay drama ki kahani mein Nauman Ijaz ka kirdar kafi strong aur intriguing lag raha hai, lekin pehli hi episode mein main leads ki casting par uthne wale sawalat ne isay trending topic bana diya hai.

Conclusion

​Nizaam drama ki pehli episode ne yeh sabit kar diya hai ke aajkal ke naazreen har choti cheez par ghaur karte hain. Fari Showbiz Hub par hum aap tak aisi hi fresh aur trending showbiz updates sab se pehle late rehte hain. Nizaam drama aur is casting par aap ka kya kehna hai, humein comment section mein zaroor batayiyega!

Image Source: YouTube (For illustrative purposes only)