Legendary Actress Sangeeta Reveals Reason Behind Her Third Marriage and Husband's Identity
Pakistan film industry ki mashhoor aur senior adakara wa director Sangeeta ne apni zindagi ke hawale se ek bara inkashaf kiya hai. Sangeeta ne hal hi mein ek TV show ke dauran apni teesri shadi aur shohar ke baray mein khul kar baat ki hai. Unke is interview ke baad shadi ki yeh khabar social media par tezi se viral ho rahi hai.
Aaiye jante hain ke akhir yeh shadi kab aur kaise hui. Sangeeta ne bataya ke unke shohar ka naam Tariq Meendro hai, jo pichle 14 saal se film industry se wabasta hain aur behtareen zindagi guzar rahe hain. Betiyon ki shadiyon ke baad jab woh bilkul tanha ho gayi thin, tab Tariq Meendro ne unhein kai martaba shadi ki peshkash ki. Sangeeta ka kehna hai ke barhti umar mein insaan ko ek sahare aur sathi ki zarurat hoti hai, jis ke baad unhone yeh ahem faisla kiya.
Sangeeta Ki Pehli Aur Doosri Shadiyan
Interview ke dauran adakara ne apni past life par bhi roshni dali. Unhone bataya ke unki pehli shadi Humayun Qureshi se hui thi, jabke doosri shadi Naveed Akbar ke sath hui thi. Lekin kuch wajuhat ki bina par yeh dono rishtay khatam ho gaye thay, aur phir unhone Tariq Meendro ke sath teesri shadi ka ahem qadam uthaya.
Kamyaab Shadi Ka Raaz
Apni shadi shuda zindagi ki kamyaabi ka raaz batate hue Sangeeta ne kaha ke unke mojooda shohar ke sath kabi galat-galami ya ladaai nahi hoti. Woh na toh hath uthate hain aur na hi bewajah jhagarte hain. Agar kabi gussa aa bhi jaye toh shohar khamoshi se kamre se chale jate hain, jo is rishtey ki mazbooti ki sabse barhi wajah hai.
Image Source & Credits: Instagram / Social media for illustrative purposes only.
No comments:
Post a Comment